Ministri i Financave, Punës dhe Transfereve, Hekuran Murati ka reaguar pasi Aleanca për Ardhmërinë e Kosovës e dërgoi në Gjykatën Kushtetuese, Ligjin për Pagën Minimale.
Murati ka thënë se në Kosovë 80.985 persona paguhen më pak se 264 euro në muaj, aq sa është vlera e pagës minimale.
“Janë punëtorët e mirëmbajtjes, sigurimit fizik, arkëtarë, ndërtimtarë e shumë të tjerë që me padurim presin rritjen e pagës minimale”, ka shkruar Murati.
Murati ka shkruar se ligjin e dërguan në Kushtetuese ata që për shumë se një dekadë e lanë pagën minimale në 130/170 euro.
“Pra lëre që ata vetë nuk e rritën pagën minimale sa ishin në pushtet, por tash kur ne e rritëm, po tentojnë që me çdo kusht ta bllokojnë”, ka thënë ai.
