Presidentja e Kosovës, Vjosa Osmani, është takuar me ambasadorin e Francës në Kosovë, Olivier Guerot.
Në këtë takim Osmani dhe Guerot kanë diskutuar për zhvillimet e fundit në vend, si dhe për dialogun mes Kosovës dhe Serbisë.
Në njoftimin e Presidencës është bërë e ditur se Osmani ka nënvizuar nevojën e zbatimit të plotë të marrëveshjes së Brukselit dhe Ohrit.
“Presidentja Vjosa Osmani zhvilloi një takim pune me Ambasadorin e Francës në Kosovë, Olivier Guérot, ku u diskutua për zhvillimet e fundit në vend dhe dialogun ndërmjet Kosovës dhe Serbisë. Presidentja Osmani nënvizoi nevojën e zbatimit të plotë të marrëveshjes së Brukselit dhe Ohrit”, thuhet në njoftim,
Tutje, në këtë takim është bërë e ditur se është diskutuar për vazhdimin e bashkërendimit me partnerët rreth qëllimit të përbashkët për shtensionimin e situatën në veri.
“Në takim u diskutua edhe për vazhdimin e bashkërendimit me partnerët rreth qëllimit të përbashkët për shtensionimin e situatës në veri të vendit. Presidentja Osmani theksoi gatishmërinë për bashkëpunim të ngushte mes Kosovës dhe aleatëve të saj për ta arritur fuqizimin ndërkombëtar të Kosovës”, thuhet mes tjerash në njoftim.
Ndërkaq, thuhet se presidentja Osmani vlerësoi raportet me Francën dhe konfirmoi partneritetin dhe bashkëpunimin në të ardhmen.
“Ajo vlerësoi raportet me Francën dhe konfirmoi partneritetin dhe bashkëpunimin në të ardhmen, i cili i shërben ruajtjes së paqes, sigurisë dhe stabilitetit afatgjatë në vend e rajon”./teve1.info/
