Finalisti i Ligës së Kampionëve, Interi, nuk ka interesim për të siguruar shërbimet e sulmuesit të Chelseat, Romelu Lukaku, ka shkruar “Sky Sports” i Italisë të shtunën.
Mësohet se përfaqësuesit e belgut tani do të nisin diskutimet me Juventusin për një transferim të mundshëm në Torino, për edicionin e ardhshëm. 30-vjeçari ka qenë pjesë e rëndësishme e formacionit të trajnerit Simone Inzaghi.
Lukaku shënoi 14 gola e shtatë asistime në 37 ndeshje në të gjitha garat, por ka vuajtur shumë edhe nga lëndimet. Ishte kritikuar shumë për rastet e humbura në finale të Ligës së Kampionëve. Lukaku ka kontratë me Chelsean deri në verën e vitit 2026.
