Me këtë veprim, po bëhen përfundimisht pjesëtarë të rinj të Policisë së Kosovës.
418 kadetë policorë diplomuan të premten duke dhënë betimin e tyre për t’iu bashkuar këtij institucioni.
E pas përfundimit të ceremonisë, shumë nga ta u panë edhe të emocionuar.
Blerta Abdullahu thotë se ka qenë ëndërr e fëmijërisë së saj që ta bartë uniformën e shtetit.
E disa prej tyre tregojnë për ndjenjat e tyre që tash e tutje do i shërbejnë vendit, përmes Policisë së Kosovës.
Teksa, një tjetër polic tregon arsyet që e shtyn për t’u bërë pjesë e institucionit, i cili mbetet ndër më të besueshmit në vend.
Të gëzuar për diplomimin e të bijve dhe bijave të tyre u panë edhe familjarët e këtyre të rinjve.
Pas diplomimit, të gjithë zyrtarëve policorë nga krerët e shtetit dhe menaxhmentit të Policisë iu shpërndanë certifikata për përkushtimin e treguar gjatë trajnimit.
