Presidentja e Republikës së Kosovës, Justina Shiroka Pula, të mërkurën ka pritur në takim Kryeprokurorin e Shtetit, Zejnulla Gashi, Kryesuesin e Këshillit Prokurorial të Kosovës (KPK), Arian Gashi, si dhe Kryesuesin e Këshillit Gjyqësor të Kosovës (KGJK), Rrustem Thaqi.
Sipas njoftimit të Presidencës, gjatë takimit është diskutuar për rëndësinë e funksionimit të pavarur dhe efikas të sistemit të drejtësisë, si dhe për rolin e institucioneve në forcimin e sundimit të ligjit.
Presidentja Shiroka Pula ka theksuar rëndësinë e një sistemi të drejtësisë të pavarur, profesional dhe të paanshëm, i cili garanton zbatimin e ligjit dhe rrit besimin e qytetarëve në institucione.
Ajo gjithashtu ka shprehur mbështetjen institucionale për forcimin e sundimit të ligjit dhe për përmbushjen e përgjegjësive kushtetuese të institucioneve të drejtësisë, duke respektuar pavarësinë e tyre.
Ndërkaq, Kryeprokurori i Shtetit, Zejnulla Gashi, Kryesuesi i KPK-së, Arian Gashi, dhe Kryesuesi i KGJK-së, Rrustem Thaqi, e kanë uruar presidenten për zgjedhjen në këtë detyrë, duke i dëshiruar sukses në përmbushjen e përgjegjësive të saj kushtetuese dhe institucionale./teve1.info/
