Edhe një trajner truk do ti përvishet punës në Superligën e basketbollit të Kosovës.
Trajneri turk me prejardhje shqipëtare, Tuncay Bostanci, është emëruar trajner i ri i ekipit të Prizrenit në basketboll. Në një njoftim të lëshuar ditën e enjte, ekipi bardhezi nga qyteti i Prizrenit ka bërë të ditur se 37-vjeçari do të merr timonin e skuadrës për stinorin 2023/24.
“TUNCAJ BOSTANCI TIMONIER I KB PRIZRENI
Nga sot zyrtarisht trajneri i klubit basketbollistik Prizreni do jete Tuncay Bostanci.
Bostanci 37 vjeqar i cili eshte shtetas Turk, ka rrenjet Shqipetar por familja e tij ka emigruar nga Permeti i Shqiperise.
Ne te njejten kohe falenderojm ish trajnerin Edin Kerveshi per kontributin e dhene edicionin qe kaloi. Te njejten kohe i deshirojm shume sukses ne vazhdim.”
Bostanci ka punuar si asistent i Bursasporit gjatë viteve 2014-2018, ndërsa si kryetrajner për herë të parë punoi te Harem SK, e së fundi ka qenë pjesë e Uskudar BS në ligën e dytë të Turqisë.
Por, asgjë nuk përfundon me kaq ka bërë të ditur KB Prizreni. Duke i uruar mirë se ardhje trajnerit të ri, duke falenderuar ish-trajnerin Edin Kërveshi për punën e bërë në stinorin e kaluar, njoftimi ka bërë të ditur se të dielën do të njoftojnë për risi tjera në ekip.
Përndryshe, Bostanci është trajner i parë i huaj që merr drejtimin e Prizrenit, pasi që deri tash ekipi është drejtuar nga Arbnor Rifati me vite të tëra, e së fundi aty ka qenë trajner Edin Kërveshi.
