Deputeti i Vetëvendosjes, Armend Muja, i ka komentuar audioincizimet e fundit të publikuara në media, ku dëgjohet shefja e deputetëve të VV-së, Mimoza Kusari-Lila, duke komunikuar me zyrtarin e Listës Serbe, Slavko Simiq.
Për Mujën këto përgjigjme janë përpjekje e opozitës që ta bindë publikun se VV janë njëjtë sikur ta.
“Pra, alternativa opozitare po thotë se ne nuk jemi më të mirë se LV. Po as LV nuk është më e mirë. Kjo është oferta e opozitës sot për qytetarin”, ka shkruar Muja në Facebook.
Sipas Mujës, opozita dhe VV-ja kanë pasur dhe kanë marrëdhënie të ndryshme me Listën Serbe.
“Opozita po tenton të thotë që ne që e kemi mundësuar krijimin e LS, i kemi bërë partner kyç në formimin e qeverisë (king-makers), kemi qenë të gatshëm të falim tokë, kemi bërë bashkë biznes, ua kemi toleruar aktivitetet kriminale të udhëheqësve të saj në veri, i kemi amnistuar, kemi qenë të gatshëm që t’ia falim të gjitha krimet, ua kemi largu fletëarrestin kur ka qenë nevoja, jemi njësoj me juve të LV që e keni minimizuar rolin e tyre politik, keni ndaluar projektin e ndarjes së Kosovës, nuk vareni për votave tyre për qeveri, po ua mbyllni rrugës ilegale, laboratoret e drogës e të kriptovalutave, sepse ka dalë një incizim prej Radoijçiqit me plotë insinuata”, ka shkruar Muja.