Në “Këndin e Debatit” në Tëvë1, Meta shprehet se nuk kanë vazhduar me praktikën e njëjtë të qeverive paraprake, pasi që “nuk kanë vendosur atje shoferët, familjarët apo motrat e vëllezërit”.
“Po pajtohem që nuk jemi ngutur në emërimin e këtyre ambasadorëve është bërë punë e mirë sesa herave të kaluara, duke pasur parasysh që kemi 9 ambasadorë të karrierës dhe shumë më pak politikë dhe natyrisht nuk ka qenë një ngarendje e jona duke u munduar që të bëjmë punën më të mirë të mundshme në mënyrë që skandalet që kanë qenë nëpër ambasadat tona jashtë shtetit të tilla të mos përsëriten, ju i dini nuk dua t’i përsëris. Ky mobilizim për të bërë punën më të mirë të mundshme ka kërkuar edhe pak kohë pa dashur të them ndonjë vonesë eventuale të rëndësishme është që nuk kemi çuar ambasadorë shoferët tanë, as ilake as motra e vëllezër siç ka ndodhur të kaluarën por kanë ndëshkuar përgjegjës dhe kompetent në punën e tyre”, deklaroi ai.
Ndërkaq, sa i përket “vijave të kuqe” deputeti deklaron se nuk kanë ndonjë qëndrim për këtë, por që do të konsultohen me organet brenda partisë.
“Unë kam kontestuar një gjë kam qenë prezent dhe nuk kam dëgjuar që Gërvalla ka thënë kemi vija të kuqe për ndonjë parti, as nuk do të bashkëpunojmë me LDK-nsë sepse nuk është kompetencë e saj. Kjo do të vendoset në organet tona në Këshillin e Përgjithshëm kur vjen koha parazgjedhje formimi i ndonjë koalicioni. Nuk kemi por në parti ndonjë inat individual mund të ndikohet me shumicën e votave që merren me shumicën e partisë”, shtoi ai.
Kurse, sa i përket dialogut, Meta thotë se janë plotësisht të harmonizuar me Lëvizjen Vetëvendosje dhe se kanë takime çdo javë.
“Kam informacione të sakta se kur minimum një herë në javë takohen Osmani, Kurti, Gërvalla dhe Konjufca për të gjitha politikat e jashtme si dhe për dialogun. Besoj që janë absolutisht të harmonizuar edhe me ministren e Jashtme. Ju e dini që tani më të vështirë po i ka bisedimet edhe Serbia me palën kosovare, jo çdo gjë po e realizon siç ka qenë rasti i tabelave, referendumit në një farë forrme i ka qëlluar ‘sharra në gozhdë’ nga konsistenca e Kurtit natyrisht me akterët tjerë ku Kosovën po e trajtojnë si shtet sovran”, tha ai./teve1.info/.
