Sot në procesin e brendshëm zgjedhor në Gjilan, Lutfi Haziri është zgjedhur kryetar i LDK-së në Kuvendin Zgjedhor.
Lidhja Demokratike e Kosovës, përmes një postimi në Facebook, kanë shkruar se një vendim i tillë erdhi nga rezultati i punës së Hazirit.
“Sot në Gjilan u përmbyll suksesshëm procesi i brendshëm zgjedhor. Mbi 3000 qytetarë e veprimtarë të përfshirë në procesin demokratik zgjedhor të degës mbyllën Kuvendin X Zgjedhor në Gjilan për ta konfirmuar edhe për një mandat tjetër kryetar, Lutfi Hazirin. Përkrahja për Lutfi Hazirin është e pakontestueshme si rezultat i punës dhe angazhimit të tij të pashoq në sferën e artikulimit të nevojave dhe interesave të qytetarëve të Gjilanit”, thuhet në postimin e tyre.
Ndërsa, kryetari i LDK-së, Lumir Abdixhiku, ka falënderuar delegatët e Kuvendit Zgjedhor, anëtarët dhe të gjithë ata që u angazhuan në procesin e brendshëm demokratik.
“Lidha Demokratike e Kosovës po përmbyll procesin e brendshëm zgjedhor në gjithë Kosovën. Ka hapur dyert për shumë të rinj që kanë profile të ndryshme profesionale por që i bashkon një ideal dhe orientim i përbashkët rreth parimeve të djathta që identifikohen me LDK”, thuhet tutje./teve1.info/.
