Shembja e dheut ka bërë që të mbyllet për qarkullim rruga Shtupel-Kerrnicë në Komunën e Klinës.
Lajmi është bërë i ditur nga komuna, e cila ka bërë të ditur se pas daljes në teren të zyrtarëve komunal dhe policisë është vendosur të mbyllet kjo rrugë për shkak të sigurisë.
Komuna u ka bërë thirrje qytetarëve të shmangin qarkullimin në këtë rrugë dhe të përdorin ato alternative.
“Inspektorët e komunës në bashkëpunim me policinë kanë dalë në vendin e ngjarjes, ku kanë vendosur sinjalistiken e nevojshme dhe pas vlerësimit të shkalles së rrezikshmërisë kanë marrë vendim për mbylljen e përkohshme të rrugës. Për shkak të rrezikut të shembjes së serishme të dheut, apelojmë̈ qytetarët që të shfrytëzojnë rrugët alternative deri në rregullimin e rrugës, e cila do të rregullohet brenda një kohe shumë të shkurtër”, thuhet në komunikatën e komunës./teve1.info/