Kryeministri, Albin Kurti, ka pritur në takim shefin e ri të Misionit të Bashkimit Evropian për Sundim të Ligjit, EULEX, Giovanni Pietro Barbano, me rastin e fillimit të mandatit të tij.
Përmes një komunikate të lëshuar për media, thuhet se Barbano ka përgëzuar Kurtin për progresin ekonomik dhe demokratik që ka shënuar Kosova, përcjell teve1.info.
“U bisedua për bashkëpunimin ndërmjet Qeverisë së Republikës së Kosovës dhe institucioneve të rendit dhe sigurisë me misionin EULEX me qëllim të forcimit të sundimin të ligjit, si dhe për zhvillimet në vend. Në takim ishte i pranishëm edhe Ministri i Punëve të Brendshme, Xhelal Sveçla, Drejtori i Përgjithshëm i Policisë së Kosovës, Gazmend Hoxha dhe Koloneli i Forcës së Sigurisë së Kosovës, Ejup Maqedonci”, thuhet tutje në komunikatë.
Më tej, bëhet e ditur që Kurti ka theksuar përkushtimin e Qeverisë për shtet ligjor, demokraci dhe mbrojtje të lirisë dhe të drejtave të njeriut të të gjithë qytetarëve që jetojnë në Kosovë./teve1.info/.
