Deputeti i Partisë Demokratike të Kosovës, Ardian Kastrati, tha se është urgjente që sa më shpejt të mbahen zgjedhje të reja në komunat veriore.
Madje sipas tij, më e mira do ishte në qoftë se kryeministri Albin Kurti, do jepte dorëheqje, shkruan teve1.info,
“I ka ardhur fundi, këto sanksione që i erdhën Kosovës janë serioze. Pyetja logjike është për kë punon kryeministri, Albin Kurti? Prandaj duhen zgjedhje, duhet sa më shpejt të rregullohen marrëdhëniet me Shtetet e Bashkuara të Amerikës dhe me aleatët ndërkombëtarë. Më së miri do ishte nëse Kurti do të jepte dorëheqje, por ne do të insistojmë gjithsesi për të shkuar në zgjedhje. Në interesin e kujt është që Kosova të ketë përplasje të ashpra me ShBA-të?, është shumë e thjeshtë, në interesin e Serbisë dhe Rusisë. Prandaj, është urgjente të shkohet në zgjedhje”, deklaroi Kastrati në emisionin “Info Nata” në Tëvë1.