Shefja e deputetëve të VV-së, Mimoza Kusari-Lila i ka reaguar kryeministrit të Shqipërisë, Edi Rama i cili i kërkoi Serbisë t’i lirojë tre policët kosovarë të kidnapuar, duke shtuar se “kjo do të jetë java e rikthimit të akullit” mes Shqipërisë dhe Serbisë nëse ata nuk lirohen.
Kusari-Lila ka thënë se është kohë vere dhe akulli mund të shkrihet shpejt, por ka pasur një porosi tjetër në formë metafore për Ramën.
“Më mirë mbylleni “Ballkanin e hapur” dhe do shihni si do të ngrihen fqinjët verior nga fryma e jugut”, ka shkruar Kusari-Lila.
Derisa ka shtuar se “kidnapimi & mbajtja e policëve është arsyeja e kahmotshme pse kufinjtë e hapur me këtë Serbi nuk bëjnë”.
