Një kamion me targa të Kosovës të enjten nuk u lejua të hyjë brenda territorit të shtetit.
Kjo për shkak që brenda tij gjenden produkte ushqimore të prodhuara në Serbi.
Përveç tij, përmbi 20 sosh tani e 24 orë po vazhdojnë të qëndrojnë në anën serbe këtu në pikën kufitare në Merdare.
Meqë, institucionet morën vendim për ndalimin e transportit të mallrave nga Serbia për në vendin tonë.
E për të gjitha maunat që nuk përmbajnë produkte serbe kalimi është i zakonshëm.
Genc Shkëmbi – banor i Durrësit, po tregon gjithë rrugën që e kaloi për të sjell mallra nga Gjermania për në Shqipëri.
Ai përdori territorin serb për një gjë të tillë, nga ku edhe u provokua.
E një shofer polak mori produkte në Leposaviq dhe ato po i dërgon në Poloni.
Për tëvë1 ai thotë se ka dëgjuar për situatat e fundit që po ndodhin, por shpreson se gjithçka të shkojë mirë.
“Isha në Leposaviq dhe u ngarkova me produkte. Unë jam nga Polonia dhe ato po i dërgoj në vendin tim – pra në Poloni. Kam dëgjuar për zhvillimet e fundit, më treguan disa banorë atje. Shpresoj që gjithçka të shkojë mirë”.
Thirrje për anashkalim të territorit serb nga mërgimtarët, tani e disa ditë po bënë Ministria e Punëve të Jashtme.
Mirëpo, ky mërgimtar zgjodhi këtë rrugë për të ardhur nga Italia për në vendlindje.
Derisa, të enjten veturat me targa të Serbisë, po lejohen të hyjnë në Kosovë.
Veçse përveç stikerave, kontrolli ndaj tyre po jetë shumë më i detajuar.
Kronika e realizuar nga gazetari Arton Rama
