Kryetari i Lidhjes Demokratike të Kosovës, Lumir Abdixhiku, ka thënë se tre policët e rrëmbyer duhet të kthehen në shtëpi dhe se lirimi i tyre i menjëhershëm është i domosdoshëm.
Përmes një postimi në Facebook, Abdixhiku ka shkruar se ky është borxh i Republikës së Kosovës përballë agresionit luftënxitës të Serbisë.
“Të tre policët e rrëmbyer i presim në shtëpi. Ky është borxhi ynë si Republikë përballë agresionit luftënxitës të Serbisë. Lirimi i tyre i menjëhershëm është domosdoshmëri. Për këtë lirim, bashkërendimi e përafrimi me aleatë është i paalternativë. Prandaj, sot, bie dhe perdja e naiviteti popullist që këtë bashkërendim e shihte si dobësi. Dobësi e vetme është thirrja e vonuar për ndihmë, pasi je poshtëruar”, ka shkruar Abixhiku.
Derisa ka shtuar se Kosova nuk e meriton një ditë të tillë.
“Sot, kërkojmë përgjegjësi politike institucionale nga Kryemnistri dhe vartësi i tij. Ushtrimi i sovranitetit të vërtetë kërkon mençuri”, ka shkruar tutje./teve1.info/.
