Ambasadori i Francës në Kosovë, Olivier Guerot ka zhvilluar një takim me deputeten Duda Balje.
Siç ka shkruar Guerot, temë diskutimi kanë qenë liritë dhe të drejtat e njeriut në Kosovë.
Njëra prej temave e cila është diskutuar ka qenë edhe kuadri ligjor për çiftet e të njëjtit seks.
“Diskutim shumë i dobishëm me Duda Balje, Presidente e Komisionit për të Drejtat e Njeriut të Kuvendit të Kosovës për 3 çështje jashtëzakonisht të rëndësishme: liria fetare, lufta kundër dhunës ndaj grave, kuadri ligjor për çiftet e të njëjtit seks 🌈”, ka shkruar Guerrot.
Balje është njëra prej deputeteve që ka votuar kundër Kodit Civil, i cili rregullon çështjen e martesës mes personave të seksit të njëjtë.