Sot në vendin tonë pritet të mbajë mot me diell dhe vranësira të cilat parashihen të sjellin reshje shiu. Sipas Institutit Hidrometeorologjik të Kosovës, reshjet më të fokusuara do të jenë në relievin malor.
Po ashtu, IHMK ka paraparë edhe shkarkime rrufesh në shumë zona dhe nuk ka përjashtuar mundësinë që në zona të izoluara të bie breshër.
ADVERTISEMENT
Reshjet me sasi më të mëdha priten në perëndim dhe veriperëndim të Dukagjinit.
Temperaturat minimale pritet të sillen mes 10 dhe 13 gradë Celsius, ndërsa maksimalet mes 22 dhe 25 gradë Celsius.
Do të fryjë erë e lehtë dhe lokalisht e fortë nga drejtimi i verilindjes dhe jugperëndimit.
