Tri raste të dhunës në familje janë regjistruar në Prishtinë gjatë 24 orëve të fundit, raporton teve1.info
Sipas njoftimit policor, në të tri rastet, burrat janë raportuar se i kanë sulmuar bashkëshortet e tyre, ndërsa njëri edhe fëmijën.
Megjithatë, asnjëri nga të dyshuarit nuk është arrestuar.
“Raportohet se i dyshuar mashkull kosovar kishte përdorur dhunë fizike dhe psikike ndaj bashkëshortes së tij viktimës femër shtetase e Shqipërisë. Viktima më 05.06.2023 e ka paraqitur rastin si dhe disa fotografi të lëndimeve të shkaktuara nga i dyshuari. Nuk raportohet për të arrestuar. Rasti në procedurë hetimore”, thuhet në komunikatë.
Rasti i dytë është raportuar se bashkëshorti, gjegjësit babai ka ushtruar dhunë psikike ndaj gruas dhe djalit të tij.
Për shkak të rrezikshmërisë, me rastin është njoftuar Qendra për Punë Sociale, ndërsa i dyshuari nuk është hasur nga policia.
“Prishtinë 03.06.2023 – 22:16. Me 05.06.2023 dy viktimat (nënë e djalë) kosovarë kanë raportuar se i dyshuari mashkull kosovar (bashkëshorti gjegjësisht prindi) ka ushtruar dhunë psikike ndaj tyre. Viktimat ndjehen të rrezikuar dhe në lidhje me rastin është njoftuar QPS-ja dhe mbrojtësi i viktimave. I dyshuari është kërkuar, por nuk është hasur nga policia. Rasti vazhdon të hetohet”, thuhet në njoftim.
Ndërsa rasti i tretë i raportuar si dhunë në familje, ka ndodhur në mes të qiftit bashkëshortor, të cilët për shkak të një mosmarrëveshjeje janë intervistuar nga policia. Rasti po hetohet.
“Prishtinë 05.06.2023 – 13:35. Viktima femër kosovare raporton për një mosmarrëveshje me bashkëshortin e saj mashkull kosovar. Palët e përfshira në rast janë intervistuar. Në konsultim me prokurorin rasti iniciohet si më lartë, rasti vazhdon të hetohet”, thuhet në komunikatë.
