“Po nisem prej asaj se çka duhet të bëjmë ne si institucion ose çka është më e nevojshme si fëmijë të perceptojnë informatën kur u jepet edhe çka duhet të bëhet në këto raste. Zakonisht, çka unë mendoj që është më e nevojshme dhe më e arsyeshme, është që fëmijët duhet të jenë mirë të informuar për pasojat e veprimeve që ata i marrin pa i menduar mirë. Shkolla është një institucion si burim i informacionit, po që patjetër edhe familja e ka rolin e vet kyç në këto raste. Gjithsesi, edhe institucionet e tjera që punojnë me fëmijë apo që kanë qasje në këto dukuri duhet t’i kryejnë obligimet apo detyrat e veta”, ka thënë ajo.
Krasniqi ka shtuar se si shkollë duhet t’u japin fëmijëve informacione të mjaftueshme për të gjitha veprimet që ata bëjnë.
“Mbaj mend që më herët, por edhe tash, në shkollën fillore ka lëndë që flet për parandalimin e dukurive negative. Në mesin e tyre janë edhe dukuri të natyrave të tilla për të cilat ne po flasim sot e që unë konsideroj që ka qenë shumë efektive për t’i informuar mirë nxënësit për veprimet edhe pasojat e veprimeve që ata i marrin kur nuk janë të menduara mirë”, është shprehur ajo.
Për më shumë ndiqni emisioni “De Jure”, në Tëvë1 dhe “Betimi për Drejtësi”, për hulumtimin mbi “Martesat mes të miturve”./Tëvë1/
