Një ditë pas sulmeve të dhunshme në veri, qytetarët serbë kanë paralajmëruar se do të vazhdojnë edhe sot protestat duke u grumbulluar pranë pranë tri objekteve të komunave në Zubin Potok, Leposaviq dhe Zveçan.
Kështu kanë bërë të ditur dje ekipet e Tëvë 1 në terren, teksa gazetari Valmir Gallopeni ka rrëfyer edhe momentin e djegies së veturës së Tëvë 1, nga protestuesit në Zubin Potok.
“Kur u mor vendim që protestuesit të shpërndahen, ata brohoritën njëherë dhe paralajmëruan se nesër do të kthehen në 7 të mëngjesit. Pa u shpërndarë nga rruga, e kemi vërejtur që në rrugën magjistrale po vërehet një tym goxha i madh dhe supozimet tona kanë qenë që është djegur një veturë dhe ajo medoemos duhet të jetë e mediave. Më vonë u njoftuam që është një veturë e bardhë Pickup dhe që është e televizionit Tëvë 1”, ka deklaruar Gallopeni në emisionin Ditari në Tëvë 1.
Gjatë protestave të dhunshme dje në tri komunat veriore, janë lënduar rreth 25 pjesëtarë të KFOR-it.
Situata në veri është tensionuar që nga e premtja, si shenjë pakënaqësie nga serbët lokal pas betimit që kanë bërë kryetarët e komunave në Leposaviq, Zubin Potok, dhe Zveçan. /Teve1.info/
