Inspektorati Policor i Kosovës (IPK) në koordinim me Ministrinë e Punëve të Brendshme ka themeluar ekipin e përbashkët hetues për të vlerësuar veprimet policore gjatë operacionit policor të ditës së djeshme në tre komunat veriore të vendit – Leposaviq, Zveçan dhe Zubin Potok.
Sipas njoftimit të IPK-së, qëllimi i këtij ekipi është të sigurojnë që Policia e Kosovës ka kryer detyrat konform standardeve dhe autorizimeve kushtetuese e ligjore, përcjell teve1.info
“Po ashtu, Ekipi synon të identifikojë nëse gjatë këtij operacioni ka pasur tejkalim të autorizimeve policore. IPK siguron se varësisht nga gjetjet e punës së këtij Ekipi, konform autorizimeve ligjore dhe në koordinim me Policinë e Kosovës dhe Prokurorin e Shtetit do të adresojë çështjet e ngritura”, bëhet e ditur në njoftim.
