Në objektin e Komunës së Zveçanit është larguar flamuri i Serbisë dhe është vendosur ai i Kosovës.
Vendosja e tij është bërë të shtunën, raporton gazetarja e Tëvë 1, Fetije Kamberi.
Kryetari i kësaj komune Ilir Peci është betuar të enjten .
Ai të premten ka dalë për herë të parë në detyrë si kryetar i kësaj komune.
Por dalja e ti dhe të kryetarëve t të Zubin Potokut e Leposaviq është përcjellë me protesta nga qytetarë serbë të cilët kishin bllokuar hyrjet në objektet komunale.
Kryetarët e zgjedhur kanë arritur të hyjnë në objektet komunale me asistimin e Njësisë Speciale të Kosovës, të cilët kanë larguar qytetarët e mbledhur dhe barrikadat në rrugë.
Pesë pjestarë të Policisë së Kosovës janë lënduar të premten nga hedhja e mjeteve të forta nga qytetarët serbë, ku edhe janë dëgjuar edhe të shtëna me armë nga ana e tyre.
