Për skuadrën e Juventusit, penalizimi prej 10 pikëve në Serie nuk ishte lajmi i vetëm i keq që morën të hënën.
Ata në mbrëmje humbën 4-1 nga Empoli dhe kështu rrezikojnë shumë kualifikimin për në Champions League sezonin e ardhshëm.
Caputo nga penalltia në minutën 18 dhe Luperto tre minuta më vonë, krijuan epërsinë prej 2 golash për Empolin.
Caputo shënoi të tretin tre minuta pas fillimit të pjesës së dytë teksa Chiesa shënoi për 3-1 në minutën 85, shkruan teve1.info.
Fitoren 4-1 për skuadrën nga ‘Carlo Castellani’ e vulosi Piccoli në minutën e parë të shtesës.
Me këtë humbje Juventusi pozicionohet e shtata me 59 pikë, pesë më pak se Milan në pozitën e katërt, përderisa mbeten edhe dy xhiro për t’u zhvilluar.
Kurse Empoli renditen e 14 me 42 pikë.
