Hetuesit e Inspektoratit Policor të Kosovës kanë arrestuar një rreshter policor, të dyshuar për keqpërdorim të detyrës zyrtare.
I njëjti dyshohet se ka kryer veprën penale “Keqpërdorim i detyrës zyrtare apo autoritetit” lidhur me nenin 33 (ndihma).
“Pas pranimit të këtyre informacioneve, hetuesit e IPK-së në koordinim me prokurorinë kanë ndërmarrë veprime hetimore pas të cilave zyrtari policor i dyshuar në këtë rast është arrestuar kurse nga prokurori kompetent i është caktuar masa e ndalimit për 48 orë. Hetuesit e IPK-së pritet të ndërmarrin edhe veprime të tjera hetimore lidhur me këtë rast në konsultim të vazhdueshëm me prokurorin përgjegjës në përputhje me autorizimet ligjore të IPK-së dhe Kodit të Procedurës Penale”, thuhet në komunikatën e Inspektoratit Policor të Kosovës.
