Një person ka raportuar në Policinë e Kosovës, se përderisa ka qenë në veturë me dy shokë të tij, ka ardhur një veturë tjetër, nga e cila një i dyshuar ka shtënë me armë zjarri në drejtim të tyre.
Si pasojë e kësaj, viktima ka pësuar lëndime, me ç’rast është dërguar për tretman mjekësor. Mjekët kanë bërë të ditur se viktima është lënduar nga copëzat e xhamit, si pasojë e shkrepjes me armë.
Njësia policore ka dalë në vendin e ngjarjes, ku kanë gjetur dhe sekuestruar tri gëzhoja.
Ngjarja ka ndodhur mesditën e djeshme në rrugën “Reçak” të Ferizajt.
Në raportin 24-orësh, thuhet se i dyshuari ende është në arrati, derisa rasti po vazhdon të jetë në procedurë hetimore.
“VRASJE NË TENTATIVË Rr. Reçakut, Ferizaj, 20.05.2023 – 02:05. Viktima mashkull kosovar ka raportuar se përderisa ka qenë ne veturë me dy shokë, ka ardhur një veturë tjetër nga e cila një i dyshuar mashkull kosovar ka shtënë me armë zjarri në drejtim të veturës së tyre, dhe ka ikur nga vendi i ngjarjes. Viktimës iu është ofruar tretman mjekësor dhe sipas mjekut viktima ka pësuar lëndime nga copëzat e xhamit si pasoj e shkrepjes me armë. Njësitë relevante policore kanë dalur në vendin e ngjarjes ku kanë gjetur dhe sekuestruar tre gëzhoja. I dyshuari ende nuk është hasur nga njësitë policore. Rasti në procedurë hetimore”, thuhet në raportin e Policisë. /teve1.info/
