Presidentja e vendit, Vjosa Osmani ka marrë sot pjesë në ceremoninë e inaugurimit të presidentit të ri të Malit të Zi, Jakov Milatoviq.
Me këtë rast, Osmani ka uruar homologun e saj për detyrën dhe ka theksuar se Kosova është e përkushtuar në forcimin e miqësisë, bashkëpunimit dhe partneritetit me Malin e Zi.
“Përcaktimi i qartë i popullit tonë për të ardhmen tonë të përbashkët euroatlantike nënkupton domosdoshmërinë që të vazhdojmë të ndërtojmë bashkëpunimin tonë të fortë dhe të mbrojmë vlerat që ndajmë dhe për të cilat kemi luftuar shumë për t’i ndërtuar dhe ruajtur. Derisa kontinenti ynë e gjen veten në këtë pikë kritike, është thelbësore që ne të qëndrojmë të bashkuar në përkushtimin dhe rrugën tonë drejt institucioneve euroatlantike”, ka theksuar ajo, bëhet e ditur në njoftimin e Presidencës. /Teve1.info/
