Trajneri izraelit, Rami Hadar ishte faktori kryesor që Peja pas dhjetë viteve riktheu titullin e kampionit në “Karagaçi”.
Ish-trajneri i Macabit do të vazhdon të kontriboi në basketbollin kosovar, pasi do ta drejton edhe Kombëtaren e Kosovës.
Marrëveshja tashmë është arritur e zyrtarizimi është çështje ditësh. Burimet e Tëvë1 të përafërta me FBK-në kanë bërë të ditur që sipas marrëveshjes, Rami Hadar do të udhëheq “Dardanët” deri në vitin 2026.
Ai po ashtu është shumë afër për vazhdimin e kontratës me kampionin aktual Pejën.
Pas fitimit të titullit me Pejën ai do ta ketë një pushim të shkurter, pasi i duhet të rikthehet menjëherë dhe të nisë punën me Dardanët.
Më 19 korrik, Kosova luan me Zvicrën në rundin e tretë të parakualifikimeve për Eurobasket 2025. Ndërkaq më 26 korrik, Kosova luan në udhëtim ndaj Danimarkës dhe prap në udhëtim më 29 korrik ndaj Zvicrës.
Këtë fazë kualifikuese Kosova e përmbyllë më 5 gusht në shtëpi ndaj Danimarkës. Vendi i parë në grup siguron avancimin tutje.
