Listat e votimit e nxorën fitues në Komunën e Mitrovicës Veriore, Erden Atiq.
E betimin e tij si kryetar komune do ta bëj të premten.
Për procedurat e kësaj ceremonie ka dhënë detaje, kryesuesi i kuvendit komunal, Nedzad Ugljanin.
Mirëpo dita e betimit të tre kryetarëve tjerë ende nuk dihet.
E për tu vendosur kjo datë, sipas ministrit të Pushtetit dhe Administrimit Lokal, Elbert Krasniqi duhet kërkesë nga kryetarët e komunave dhe kuvendet komunale.
“Po i presim derisa të na vinë propozimet e kuvendeve komunale për caktimin e datës së betimit”.
Ndërsa, i pyetur për deklaratën e ambasadorit të SHBA-së në Kosovë, Jeff Hovenier se betimi duhet të bëhet në një vend të qetë, Krasniqi tha se një gjë e tillë është e përcaktuar me Ligjin për Qeverisje Lokale.
“Nuk i kam dëgjuar, nuk mundem me komentu deklaratën, Ligji i Qeverisjes Lokale e parasheh këtë pjesë qartë”
Nga ana tjetër, sipas kryetarit të Zubin Potokut, Izmir Zeqiri ende nuk kanë informacione për datën e betimit.
Zgjedhjet lokale në Mitrovicë të Veriut, Leposaviq, Zubin Potok e Zveçan u mbajtën me 23 prill.
