Futbollisti kroat i Real Madridit, Luca Modric vlerësoi se bashkëlojtarët e tij merituan me shumë në duelin me Manchester City. Ai tutje u shpreh se edhe në ndeshjen e dytë do të hyjnë me optimizëm për fitore në “Etihad”.
“Në pjesën e parë kishim gjëra për të korrigjuar. Trajneri donte që ne të kishim topin më shumë dhe që ne të ishim më kreativë. Prandaj e liruam Camavinga të shtytej në mesfushë më shpesh – shkoi mirë. Ne merituam një rezultat më të mirë se ky. Por ne do të hyjmë në ndeshjen e dytë me të njëjtin besim dhe optimizëm që mund të fitojmë atje”, tha Modric.