Avokati Tomë Gashi ka bërë të ditur se i është bashkuar ekipit mbrojtës të kryeshefit të pezulluar të KEK-ut, Nagip Krasniqit.
Gashi ka shkruar se paraburgimi për Krasniqin është i padrejtë.
“Nga sot po i bashkohem ekipit mbrojtes te z. Nagip Krasniqit. Ne, ekipi mbrojtes, se shpejti do te paraqesim ankese ne Gjykaten Supreme te Kosoves, e cila duhet ta liroje z. Krasniqin nga paraburgimi i padrejte, i panevojshem, e i kunderligjshem!”, ka shkruar Gashi.
Sipas Gashit për rastin e Krasniqit “duhet të ketë drejtësi e jo kalkulime nga Prokuroria, nën ndikimin e të cilave po bie edhe Gjykata”.
Gjykata e Apelit ka vendosur lidhur me ankesën e mbrojtjes së kryeshefit të pezulluar të Korporatës Energjetike të Kosovës, Nagip Krasniqi, e cila ka kërkuar lirimin e tij nga paraburgimi.
Apeli e ka refuzuar këtë kërkesë, duke e lënë Krasniqin në paraburgim.
