Policia ka arrestuar në Mitrovicë personin që dyshohet se hoqi flamurin e Serbisë nga maja e Zveçanit.
Lidhur me këtë rast ditë më parë ishte publikuar edhe një video në rrjetet sociale.
Veton Elshani, zëvendësdrejtor i policisë për rajonin e Mitrovicës së Veriut ka thënë se ndaj të njëjtit është inicuar rast për ‘nxitje të urrejtjes, përçarjes apo mosdurimit’ dhe ‘armëmbajtje pa leje’.
“Pas publikimit të disa videove ne kemi shkuar në shtëpi të të dyshuarit. Atë e kemi arrestuar dhe ia kemi bastisur shtëpinë por nuk ja kemi gjetur armën. Ndaj të dyshuarit është është inicuar rast për ‘nxitje të urrejtjes, përçarjes apo mosdurimit’ dhe ‘armëmbajtje pa leje’. Megjithatë armën që i shihet në video nuk kemi mundur t’ia gjejmë. Pas intervistimit, i dyshuari është liruar në procedurë të rregullt”, ka thënë Elshani për teve1.info.
