Ministria e Shëndetësisë ka bërë të ditur se është hapur konkursi për shkollimin specialistik, sipas kritereve të parapara me Udhëzimin e ri për Shkollim Specialistik UA 01/2023.
MSh ka njoftuar se numri i specializime mbështetet në tri kritere bazë, Kuadrin deficitar, kapacitetet mentoriale dhe kapacitetet infrastrukturore.
Ndërkohë, përmes këtij konkursi, ndahen 359 specializime për lëmi klinike, Mjekësi Familjare dhe për nevoja të institucioneve shëndetësore private.
“Specializantët që do të pranohen në kuadër të Institucioneve Publike Shëndetësore, do të financohen nga Institucionet përkatëse, sipas kërkesave të tyre drejtuar Ministrisë së Shëndetësisë për nevoja të stafit profesional”, thuhet në njoftimin e MSh-së.
Gjithashtu, sipas ministrisë, konkursi për shkollimin specialistik është në përputhje me standardet bashkëkohore si dhe në harmoni me nevojat e institucioneve shëndetësore të vendit. /teve1.info/
