Një person ka ndërruar jetë si pasojë e një vetaksidenti në magjistralen Gjakovë-Prizren.
Lajmin e ka konfirmuar komandanti rajonal i trafikut në Gjakovë, Albin Sahatqija.
Sahatqija ka thënë se viktima është një motorist në të tridhjetat, i cili si pasojë e mospërshtatjes së shpejtësisë në hyrje të Gjakovës, e ka humbur kontrollin ku edhe është rrëzuar.
“Një motorist i moshës 33-32 vjeçar ka qenë duke udhëtuar në drejtim të Gjakovës. Pasi ka kaluar rrethrrotullimin është rrëzuar me motor dhe ka ndërruar jetë si pasojë e lëndimeve. Ai ka qenë pa helmetë”, tha Sahatqija për teve1.info.