Presidentja e Sllovenisë, Natasha Pirc Musar ka thënë se brenda vitit do ta vizitojë Kosovën.
Kështu ka shkruar ajo pas takimit që e ka pasur me presidenten Vjosa Osmani në ceremoninë e kurorëzimit të Mbretit Charles III.
Musar ka shtuar se takim do të ketë edhe me presidentin e Shqipërisë, Bajram Begaj.
“Takimi me miqtë në kurorëzimin e Mbretit Charles III dhe Mbretëreshës Camilla. Vjosa Osmani nga Kosova dhe Bajram Begaj nga Shqipëria me bashkëshortë. Mezi pres t’i takoj të dy në një vizitë zyrtare këtë vit. Presidentin e Shqipërisë në Lubjanë dhe Presidenten e Kosovës në Prishtinë”, ka shkruar Musar.
E asaj mirëseardhje i ka uruar presidentja Vjosa Osmani.
“Më vjen mirë që ju pashë Natasha Pirc Musar dhe mezi pres t’ju mirëpres në Prishtinë!”, ka shkruar Osmani.
