Xhiro e 33 në Superligë vazhdon edhe këtë të dielë tri ndeshje që nisin nga ora 15:00.
Spikat takimi në Gjilan, me përballjen e dy skuadrave të para në tabelë, Drita dhe Ballkani.
Bardhekaltërtit janë të parët në renditje me 66 pikë, tre më shumë se Ballkani që zë vendin e dytë kur kanë mbetur edhe katër ndeshje deri në fund të këtij sezoni.
Si vendasit ashtu edhe mysafirët kërkojnë fitoren, me Dritën që një tre pikësh do t’i afronte shumë te titulli. Ndërkohë suharekasit nuk kanë se çfarë të humbasin dhe vetëm fitorja i mbanë gjallë në garë për titullin.
Ndërkaq në kryeqytet flitet për Evropë, me Prishtinën që pret Gjilanin.
Pas fitores së Dukagjinit, Prishtina është e detyruar të marrë tre pikët, derisa Gjilani synon që mos të mposhtet në këtë sfidë që ta ruaj distancën me skuadrat përcjellëse.
Kurse në Podujevë Llapi kërkon pikët për të mbetur në garë për Evropën, derisa Ferizaj dëshiron pikët për mbijetesën.