Ministri i Mbrojtjes, Armend Mehaj krahas vizitës zyrtare në Kroaci, ka vizituar edhe ambasadën e Kosovës e të Shqipërisë dhe ambasadorët, Martin Berishaj dhe Riza Poda.
Mehaj ka bërë të ditur se ambasadorët e kanë njoftuar për angazhimet e ambasadës, bashkëpunimin mes dy shteteve po ashtu edhe Kroacinë, raporton teve1.info
Përmes një postimi në Facebook, Mehaj ka falënderuar të dy ambasadorët për angazhimin diplomatik në shërbim të kombit, ruajtjes së paqes dhe sigurisë së përgjithshme.
“Me rastin e qëndrimit për vizitë zyrtare në Kroaci, vizitova dhe ambasadën e Republikës së Kosovës dhe të Shqipërisë, me ç’rast takova dhe ambasadorët Martin Berishaj e Riza Poda, të cilët më njoftuan për angazhimet e ambasadës, bashkëpunimin e shkëlqyer ndërmjet dy shteteve, dhe shtetin partner Kroacinë, si aleat i besueshëm në fushën ushtarake dhe në mbrojtjen e vlerave demokratike”, ka shkruar Mehaj.
“Falenderova ambasadorët për angazhimin e tyre diplomatik në shërbim të interesave të kombit, të ruajtjes së paqes dhe të sigurisë së përgjithshme”, shtoi ai.
