Ministrja e Eknomisë, Artane Rizvanolli ka thënë se rritja e përfaqësimit të grave rritë kualitetin dhe produktivitetin e kompanive dhe institucioneve.
Sipas saj, studimet po tregojnë që bordet e ndërmarrjeve në të cilat ka gra kanë përformancë më të mirë, teksa shtoi se gjatë qeverisjes së tyre kanë arritur përfaqësim rekord të grave në borde të ndërmarrjeve publike, shkruan teve1.info
Këto deklarime ajo i ka bërë gjatë konferencës STEMinists të organizuar nga MASHTI.
Postimi i plotë:
Për të rritur përfaqësimin e grave në fushat STEM, e veçanërisht në pozita udhëheqëse, është e rëndëshme që të thejmë e luftojmë paragjykimet e stereotipet.
Rritja e përfaqësimit të grave rritë edhe kualitetin e produktivitetin e kompanive dhe institucioneve.
Studime të shumta tregojnë që bordet e ndërmarrjeve në të cilat ka përbërje të grave kanë performancë më të mirë. Prandaj, gjatë qeverisjes tonë kemi arritur përfaqësim rekord të grave në borde të ndërmarrjeve publike.
Në strategjinë e energjisë e kemi paraparë për herë të parë rritjen e përqindjes së pjesëmarrjes së grave në sektor, kjo për t’u siguruar që:
- Rrisim shkathtësitë e grave dhe informatat e tyre për profesionet që lidhen me energjinë; dhe
- Të punojmë me bizneset e institucionet e energjisë në mënyrë që t’u ndihmojmë për të krijuar kushte më të favorshme të punës për gratë.
Kënaqësi të ndaj punët të cilat jemi duke i bërë si Ministri e Ekonomisë në konferencën STEMinists të organizuar nga MASHTI.
Diskutimet e konferencat si kjo janë shumë të rëndësishme për të mësuar çfarë mund të bëjmë më mirë e çfarë mund të bëjmë më shumë në mënyrë që të sigurohemi që gratë e vajzat gjithnjë e më shumë janë pjesë e fushave STEM dhe jo vetëm!
