Janë bërë pesë vjet që kur Zyra për kategoritë e dala nga lufta në kuadër të Zyrës së Kryeministrit nuk është funksionale.
Kjo për shkak të konfiskimit të arkivit të saj nga Prokuroria Speciale e Kosovës për hetimin e litave të veteranëve.
Televizioni ka tentuar të marrë shpjegime nga ky institucion se kur pritet që një arkiv i tillë t’i kthehet kësaj zyre, por se nuk ka marrë kurrfarë përgjigje.
Nga Organizata e Veteranëve të Luftës thonë se kjo po ua vështirëson pajisjen me dokumente por edhe pensione të invalidëve.
Faton Klinak nga kjo organizatë vlerëson se të gjitha këto veprime janë bërë nga Qeveria në mënyrë që të ulet numri i përfituesve të pensioneve nga këto kategori.
E ish- drejtori i kësaj zyre, Gazmend Syla thekson se në ekzekutiv ekziston një data-bazë përmes së cilës mund të lëshohen dokumente por kjo siç thotë ai po bëhet qëllimshëm.
Për këtë cështje nga ZKM thanë për tëvë se në listat elektronike ekzistojnë gabime për të cilat nuk mund të lëshohen këto dokumente.
Po ashtu, nga ekzekutivi u bë e ditur se kanë kërkuar nga PSRK që t’i kthehet kjo arkivë por një gjë e tillë nuk është bërë ende.
Kronika e realizuar nga gazetari Lindrit Zejnullahu
