Neni 7 i marrëveshjes bazë të arritur në Bruksel, në aneksin e zbatimit është i renditur në nenin 5. Këto pika, është thënë se e obligojnë Kosovën që të nis procedurat e themelimit të Asociacionit të komunave me shumicë serbe. Atë për të cilën plani i normalizimit i referohet si vet-menaxhim, pritet të jetë edhe temë e diskutimit në takimin e radhës mes liderëve në Bruksel.
Tëvë1 ka provuar të marrë informacione nga Qeveria e Kosovës, se kush janë aktualisht anëtarët e komisionit për hartimin e draft statutin të asociacionit dhe se a kanë nisur ata punën në përpilimin e këtij dokumenti, por që për këto çështje nga ana e qeverisë ende nuk kemi marr ndonjë përgjigje.
Ehat Miftaraj nga Instituti i Kosovës për Drejtësi e sheh problematike mungesën e transparencës nga ana e Qeverisë.
Miftaraj tutje thotë se kjo qasje e Qeverisë mund të sjell një asociacion që do të jetë i papërshtatshëm për Kosovën.
Ndërmjetësit ndërkombëtar në vazhdimësi kanë kërkuar nga Kosova që të nis me hartimin e këtij statuti, e madje Ambasada Amerikane në Kosovë ka mbajtur dy takim me qëllim krijimin e këtij dokumenti.
Kronika e realizuar nga gazetari Valmir Gallopeni