Sekretari i PSD-së, Nol Nushi, është gjobitur nga Agjencia për Privatësi në vlerë prej 20 mijë eurove, për publikimin e të dhënave në peticionin kundër Zajednicës.
Nushi gjobën nga kjo agjenci e cilësoi si sulm të pastër politik.
“Paramendo, na kanë dënuar për publikim të të dhënave të peticionit kundër Zajdenicës, ndonëse kjo nuk ka ndodhë”, është shprehur Nushi.
Tutje, ai tha se janë shtatë masa ligjore që parashihen për ata që publikojnë këso të dhëna, kurse sipas tij, Agjencia për Privatësi e ka zgjedhur ndaj tyre masën më ekstreme.
“Ndaj këtij vendimin uk na lejohet as të ankohemi, prandaj duhemi me e pagu gjysmën në mënyrë që të mos përballemi me përmbarues. Tendenca është që të na pamundësojnë opozitarizmin, prandaj po kërkojmë ndihmën e secilit nga ju që keni vullnet”, ka shkruar Nushi.
