Presidentja e Republikës së Kosovës, Justina Shiroka-Pula, ka marrë një letër urimi nga Presidenti i Austrisë, Alexander Van der Bellen, me rastin e marrjes së detyrës.
Sipas njoftimit të Presidencës, në letrën e tij, presidenti austriak ka vlerësuar marrëdhëniet ndërmjet Kosovës dhe Austrisë në fushën politike, ekonomike dhe kulturore, si dhe lidhjet e fuqishme ndërmjet qytetarëve të të dyja vendeve.
Van der Bellen ka vënë në pah edhe rolin e rëndësishëm të mërgatës kosovare në Austri, duke shprehur gatishmërinë për të bashkëpunuar me Presidenten Shiroka-Pula në forcimin e mëtejshëm të marrëdhënieve dypalëshe dhe në avancimin e perspektivës së përbashkët evropiane.
Në letër, presidenti austriak ka ritheksuar përkushtimin e Austrisë për integrimin në Bashkimin Evropian të të gjashtë vendeve të Ballkanit Perëndimor.
Ai ka siguruar se Austria do të vazhdojë ta mbështesë Kosovën në procesin e reformave dhe në rrugën drejt integrimit evropian.
Në përfundim të letrës, Van der Bellen i ka uruar Presidentes Shiroka Pula suksese në përmbushjen e mandatit të saj./teve1.info/
