Një qytetar në Prizren ka ushtruar dhunë psikike ndaj gruas së tij si dhe e ka dëbuar nga shtëpia, raporton teve1.info
Sipas raportit të Policisë, i dyshuari është shoqëruar në Polici, mirëpo pas intervistimit është liruar në procedurë të rregullt.
“Ankuesja femër kosovare ka raportuar se pas disa mosmarrëveshjeve, bashkëshorti i saj, i dyshuari mashkull kosovar ka ushtruar dhunë psikike dhe e ka dëbuar nga shtëpia pa dëshirën e saj, pastaj i dyshuari ka shkuar te familja e vajzërisë së viktimës. I dyshuari është shoqëruar në stacion policor. Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt”, thuhet në komunikatë.