Ministri i Financave, Hekuran Murati ka thënë se Kosova ka pakon më të madhe mbështetëse në rajon gjatë vitit 2002.
Duke i referuar raporteve të fundit të Bankës Botërore, ai ka thënë se Kosova në këtë pako ka pasur 4.3% të GDP-së për masa mbështetëse të familjeve në nevojë dhe për subvencionim të energjisë elektrike.
“Inflacioni dhe kriza energjetike kanë goditur të gjitha vendet. Megjithatë, reagimet e qeverive nëpër shtete të ndryshme variojnë.
Sipas raportit të fundit të Bankës Botërore, me 4.3% të GDP-së për masa mbështetëse të familjeve në nevojë dhe për subvencionim të energjisë elektrike, Kosova ka pasur pakon më të madhe mbështetëse në rajon gjatë vitit 2022”, ka thënë Murati në Facebook.
Tutje ai ka shkruar se ajo që e bën edhe “më të veçantë situatën, është fakti që këto masa mbështetëse janë realizuar krahas uljes së deficitit buxhetor dhe konsolidimit të borxhit publik në të njëjtën kohë”.
