Policia e Kosovës ka kërkuar bashkëpunim për identifikimin e një personi të dyshuar përmes fotografisë, i cili kërkohet për një rast të lëndimit trupor që ka ndodhur dje në sheshin “Nënë Tereza”, në Prishtinë.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, thuhet në njoftimin e Policisë së Kosovës.
Policia bënë thirrje që çdo informatë, e cila mund të çojë në identifikimin e personit apo vendndodhjes së tij, të kontaktohen numrat e telefonit.
“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192”. /teve1.info/
