Të shtunën e 18 marsit, në Ohër të Maqedonisë së Veriut, kryeministri Albin Kurti dhe presidenti serb Aleksandër Vuiq, në sy të palëve ndërkombëtare përveç tjerash u zotuan që Serbia nuk do të ndërmerr më fushata për njohje të Pavarësisë së Kosovës.
Mirëpo, ani se nuk ka kaluar as edhe një muaj i plotë nga ky moment, shteti serb ka rinisur fushatën e saj të zakonshme.
Presidenti i Serbisë, Aleksandër Vuiq, bashkë me ministrin e Punëve të Jashtme, Ivica Daiq, kanë vazhduar të enjten që të mundohet t’i bindin shtetet që e kanë njohur Kosovën, ta anulojnë një vendim të tillë.
Vuiq takoi presidentin e Republikës Guinea Bissau – shtet i cili e ka njohur Kosovën qysh më 10 Janar të vitit 2011.
Kurse, Ivica Daciq, tashmë ka nisur një në disa shtete të Azisë Qendrore.
Stacioni i parë ishte Kirgistani, ku në kryeqytetin Bishkek ai takoi krerët më të lartë të shtetit – të cilin e falënderoi për kundërshtimin e vazhdueshëm që ia ka bërë Kosovës.
Faji për mosreagim të institucioneve të Kosovës, sipas deputetes Ariana Musliu – Shoshi është i kryediplomates kosovare, Donika Gërvalla.
Madje, ajo tregon një rast me kryeministrin Albin Kurti, rreth fushatës serbe për njohjet.
Se institucionet kosovare duhet që fushatën serbe ta inicojnë tek instancat ndërkombëtare, po e thotë edhe ish-anëtari i delegacionit në dialogun Kosovë – Serbi, Gazmir Raci.
Si thotë ai, shteti serb po e shkel marrëveshjen evropiane dhe se duhet të dënohet për një gjë të tillë.
Tëvë1 ka tentuar që të marr një përgjigje nga zyra e ministres së Punëve të Jashtme dhe Diasporës, Donika Gërvalla, por që komunikimi me ta ka qenë i pamundur.
Kronika e gazetarit Arton Rama.
