Pas deklaratave të ministrit të Punëve të Brendshme të Serbisë, Ivica Daçiq, për rikthimin e flamurit serb në Prizren, atij i është dërguar flamuri kuqezi nga Prizreni, në adresën e tij zyrtare.
Sipas burimeve të Tëvë1, bashkë me flamurin, Daçiqit i është dërguar edhe një mesazh.
Daçiq ditëve të fundit ka deklaruar se flamuri serb do të valëvitet sërish mbi Prizren, deklaratë kjo që ka nxitur reagime në Kosovë dhe më gjerë.
“Z. Daçiq,Të fala nga Prizreni!Ta ruani me kujdes këtë flamur! Do të vijmë ta kërkojmë kur ta çlirojmë Nishin! Flamurin tuaj, të përdhosur në vitin 1999, ne po e ruajmë me kujdes. Kur të vijë koha, do t’jua kthejmë, që ta valoni në Pashallëkun e Beogradit!”, thuhet në mesazh.
Deri më tani, nuk ka informacione as reagime nga Serbia lidhur me këtë dergesë dhe nëse është pranuar nga Daçiq.
Deklarimet e Daçiqit kanë ngjallur reagime në Kosovë e Shqipëri të cilat janë cilësuar si provokime.
Qeveria e Kosovës, por edhe Ministria për Evropë dhe Punë të Jashtme e Shqipërisë kanë dënuar këtë deklaratë.
