Kryeministri i Shqipërisë, Edi Rama ka shpërndarë një deklaratë të ish-presidentit Thaçit të cilën e tha sot gjatë gjykimit në Hagë.
Veç të tjerash Thaçi ka thënë se nuk kishte trafikim organesh dhe se Shtëpia e Verdhë nuk kishte ekzistuar kurrë.
Rama ka shkruar se këto janë të vërteta por megjithatë është “aq e pagëlltitshme një çorbë kaq e shpifur”, kur sheh që krerët e UÇK-së akuzohen pa bazë.
“Por prapëseprapë është aq e pagëlltitshme një çorbë kaq e shpifur, kur i sheh ata që e udhëhoqën luftën çlirimtare të një populli të shtypur egërsisht, të akuzohen si kriminelë lufte nga një organ i krijuar mbi bazën e fantazive të shthurrura me trafik organesh!”, ka shkruar Rama.
Ai ka shtuar gjithashtu se UÇK-ja nuk do të mundet nga padrejtësia.
