Trajneri i Ferizajt, Andrej Panadiq nuk i ka fajësuar lojtarët e tij për disfatën nga Dukagjini në Klinë. Ai ka thënë se kanë ndikuar disa faktorë tjerë, të cilat nuk deshi t’i diskutoj më shumë. Por, ai ka lënë të kuptohet se nuk ka qenë i kënaqur me ndarje të drejtësisë.
“Fillimisht dëshiroj t’i përgëzoj nga zemra lojtarët. Lojtarët e mi nuk humbën lojën nga Dukagjini, por nga disa situata tjera. Nuk dua të diskutoj për këto gjëra, por nuk jam budalla. Prej moshës 17-vjeçare jam në futbollin profesionist dhe nëse dikush e ka shikuar me sinqeritet këtë ndeshje, e din se kush e ka fituar ndeshjen, asgjë më shumë”, ka thënë Panadiq.
