Drita i është kthyer fitoreve në Superligë, derisa në stadiumin sintetik në Gjilan mposhti 3:0 Drenicën, në kuadër të xhiros së 27.
Ekipi gjilanas ishte me dominues gjatë tërë takimit, por në pjesën e parë nuk arriti të gjejë rrjetën, mirëpo morën epërsinë numerike në pushim, pasi Zeka i Drenicës u ndëshkua me të kuqë në 36’, pas një ndërhyrje në Baftiun.
Në pjesën e dytë erdhën edhe golat për Dritën. Epërsinë e morën me Vitijën në minutën e 57’, me pas epërsinë e dyfishoi Baftiu në 75’. Ndërsa pas një aksioni model Jashari vulosi fitoren në minutën e 79’.
Dritë kthehet në vendin e parë me 55 pikë, derisa Drenica zë vendin e fundit me 23 pikë.
Ndërkaq fitore në shtëpi mori edhe Dukagjini ndaj Ferizajit. Dukagjini në stadiumin “18 Qershori” në Klinë mposhti 3:1 Ferizajin, në kuadër të xhiros së 27.
Mysafirtë kaluan të parët në epërsi me Bardhin në minutën e 7, por kjo epërsi zgjati vetëm tre minuta pasi Hugo baraspeshoi shifrat në 1:1.
Ndërkaq epërsin klinasit e arritën në 59’ me Santos, derisa Oto John e vulosi fitoren në minutën e 75’. Megjithatë për Dukagjin edhe një gol ishte anuluar. Zabërgja në minutën e 69’ shënoi, por pas shikimit të situatës në VAR, Bejtullahu vendosi të anuloi pasi me parë ka pasur prekje me dorë.
Dukagjini tani ngritët në kuotën e 35 pikëve në vendin e gjashtë, teksa Ferizaji mbetët në vendin e 9-të me 28 pikë.
