Policia ka arrestuar një person nën dyshimin se ka kryer veprën penale ‘falsifikim të dokumentit’.
Siç bëhet e ditur, shtetasi turk është arrestuar në Aeroportin Ndërkombëtar të Prishtinës ‘Adem Jashari’, teksa të njëjtit po i kontrolloheshin dokumentet e udhëtimit.
Ai dyshohet se ka tentuar që me letërnjoftim të një shteti të huaj, të falsifikuar, të udhëtojë në relacionin Prishtinë-Curih- Milano.
Pas intervistimit i njëjti është dërguar në mbajtje.
“Është arrestuar i dyshuari mashkull turk shtetas i Turqisë pasi që i njëjti ka tentuar të udhëtoj në destinacionin Prishtinë-Curih- Milano duke prezantuar letërnjoftimin te një shteti të huaj që dyshohet të jetë i falsifikuar. Pas intervistimit me vendim të prokurorit i dyshuari është dërguar në mbajtje”, thuhet në njoftimin e PK-së.
